Pagina:Raccolta universale delle opere di Giorgio Baffo 4.djvu/152

Sta pagina la xe stà trascrita, ma la gà ancora da vegner rileta.
DIFESA IRONICA.


SONETTO


El Baffo sà, ch'i Padri Gesuiti
    Gà una moral, che Roma hà fulminà;
    El sà dei Cambj, e del negozio 'l sà,
    4El sà dei Malabarici so riti;

El sà, che Paricidi, el sà, ch'arditi
    Alle vice dei Rè spesso i hà tentà,
    El sà qual longa guerra i hà sostentà
    8Contra i Spagnoli, e i Portoghesi uniti;

El sà, che par, ch'i dona, e tutto i vende,
    El sà, come i seduse, sti Drettoni,
    11I moribondi, e 'l jus del Sangue i offende;

El sà in Pondicherì de quei millioni,
    Ch'i Inglesi gà trovà, ma 'l li difende,
    14Perchè nol puol dir mal dei Buzaroni.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_4.djvu/152&oldid=60847"