Co volevi conservarve
Ghe voleva più giudizio,
No dovevi altro intrigarve,
48E a seconda andar del vizio.
Vù dovevi a più no posso
Far dei bei peccai d'accidia,
Che no v'averessi addosso
52Tirà tanta gran invidia;
Studiar tanto no dovevi,
Ch'a studiar continnuamente,
L'è un rimprovero, che devi
56A quei, che no studia gnente;
Bisognava, che no fessi
Tanto i Santi, nè i devoti,
Ma piuttosto a far ve dessi
60I ruffiani, e i zerbinoti.
