TESTAMENTO DELLA NENI BAVELLERA.
SONETTO
Zà, che son zonta ai ultimi confini,
Voi disponer de tutte le mie intrade;
Sia messo sui cantoni delle strade,
4Dove ghe xe Conventi, i me Santini.
I Frati bianchi, negri, e berettini
Ve lasso a vù, Puttane buzarade;
E più per incolarve le Cascade
8Ve lasso alquanti arnasi da fottini;
Con patto, che a quel Frate tutto mìo,
Che co tant'altri m'hà servìo de scorta,
11Ghe dè da fotter per l'amor de Dìo.
Serrè la stalla, che la Vacca è morta,
E un Deposito fazza mio Marìo
14Taccandoghe i so Corni sulla porta.
