VANTAGGI DELLI STESSI.
SONETTO
Hò alfin savesto la rason, perchè
I Preti, e i Frati no i s'hà maridà,
Perchè trè, o quattro vecchj gà parlà,
4Col dir, fioi cari, no ve maridè.
Per più rason sta buzara no fè,
Prima vù goderè la libertà,
E pò co assae più gusto, e varietà
8Colle Donne dei altri sborerè.
I l'hà pensada ben sti Dottoroni,
Perchè se vede gran corporature,
11E gran Cosse, e gran Culi, e gran Panzoni;
E quando i xe per far delle Creature
I se sbottona prima i patteloni,
14E una mastella i fà de sboradure.
