ESCLAMAZION D'UN FRATE, DOPO AVER CHIAVÀ.
SONETTO
Questa sì, che xe Mona intelligente,
E che sà tutte del sborar le vie;
Quà Culi averti, e Potte descusìe
4Vegnive a desgrassar col dar de mente:
Osservè co stupor, co bravamente,
E sul letto, e a passin, e in banda, e in pìe;
La zuppega, la lata, e fà pazzie,
8Mentre indura, e resiste alle mie spente.
Mona degna del Padre General,
E d'esser fatta maestra de Cappella
11De tutt'i Frati in dì de Carneval;
Per ti darave fuogo alla mia Cella;
Stamattina sugandose 'l Cotal,
14Cussì diseva un Frate alla so bella.
