A UN, CH'ECCITAVA L'AUTOR CONTRO I FRATI.
SONETTO
Cosa voleu, che diga, caro Fìo,
De niovo de sti Frati buzaroni?
Se no ve zolerè ben i bragoni
4Spesso ghe n'averè qualcun da drìo.
Cossa voleu, che diga, poffardìo?
Che per la Potta, e 'l Culo sti porconi
Impegnarìa la Tonega, e i Cogioni,
8E i manderìa la Religion a Lìo?
Ve dirò, ch'i và sempre volentiera
In compagnia de qualche Buzaron,
11E che i è de tutt'i vizj la lumiera;
E, se volè chiappar Frati a boccon,
Basta, che vù, che sè 'na bella ciera,
14Tegnì 'l vostro Cul fora dal Balcon.
