SIMILE.
SONETTO
Oh, se gavesse tante Doppie in Cassa,
Quante Puttane con el Prete, e 'l Frate
Sta Notte hà doperà Mona, e Culate,
4Quasi hò paura le sarave massa!
Per Dìo, ghe ziogherave 'na ganassa,
Che ghè pochi de lori in ste zornade
Che no sìa stà a bagordi, e serenade,
8E a dormir colla Siora, e col Bardassa.
Se un'altra volta Loth, ch'è scampà vìa
Dal fuogo, avesse ancuò per farghe scorta
11I Anzoli, e le Putte in compagnìa;
Che l'avesse da romperghe la torta
No ghe sarave caso, e 'l gaverìa
14Una Flotta de Frati in sulla porta.
