L'OMO GODERÀ PIÙ DEI ANZOLI, E DE DIO.
SONETTO
Dopo 'l dì del Giudizio co anderemo
Co tutti i nostri membri in Paradiso,
Dei Anzoli, e de Dìo mi gò deciso,
4Ch'in quel tempo assae meggio nù staremo.
I Anzoli, e Dìo per quello, che savemo,
In quel liogo d'eterno gaudio, e riso,
I gaverà 'l so spirito diviso
8Dal corpo, e nù col corpo anca saremo.
Se l'anema i gà lori solamente,
E nù l'anema, e 'l corpo; donca star
11Nù podaremo allegri doppiamente;
Perchè nù podaremo contemplar,
E goder, come lori colla mente,
14E de più podaremo anca sborar.
