L'AUTORE PENSA, COME I QUIETISTI.
SONETTO
L'Eresìa dei Quietisti a mi me par,
Facendoghe 'na seria remission,
Che la sìa più conforme alla rason
4De quante i ghe n'hà mai podù inventar.
Lori sostenta, che se puol chiavar
Qual se sìa Donna, purchè in quell'azion
La mente gabbia in Dìo sol fissazion,
8Ch'in sta maniera no se puol peccar.
E i dise ben; che come no se dà,
Che possa mai peccar una persona;
11Co nol consente colla volontà,
Cussì donca chi chiava qualche Dona,
Co in quell'atto la mente in Dìo lù gà,
14Che nol possa peccar finchè l'è in Mona.
