Sta pagina la xe stà trascrita, ma la gà ancora da vegner rileta.
SULLA CREAZION D'EVA.
SONETTO
Sul testamento vecchio un zorno hò letto,
Che 'l Signor per voler Eva crear
L'ha fatto prima Adamo indormenzar;
4E pò l'hà formà d'Eva el bel corpetto.
Saveu, perchè l'è stà cussì furbetto
De farlo ben dormir, e ronchizar,
Mentre, che 'l giera attento a lavorar
8Per l'Omo la compagna del diletto?
Perchè vista d'Adamo la figura
Bella, graziosa, e viva della Dona,
11Nol disturbasse mai la gran fattura;
Perchè pien de lussuria buzarona,
Senza aspettar el fin della Creatura,
14El gaverìa chiavà mezza la Mona.