ZOVENTÙ.
SONETTO
Sù i trenta, che 'l se trova 'na morosa,
Che sia de bona grazia, e disinvolta,
Che la se lassa fotter qualche volta,
4Nè a farse buzarar la sìa retrosa;
Che 'l pensa a far de grando qualche cosa,
Ma prima, dove 'l pende, che l'ascolta,
E pò da quella banda, che 'l se volta,
8Che l'azion, che 'l farà, sarà gloriosa.
Ogni tanto che 'l fazza 'l so viazetto,
Che 'l pratica i più bravi Dottoroni,
11Che 'l vaga qualche volta in t'un Culetto,
Che 'l leza pochi libri, ma dei boni,
Ch'insegna ad esser Omeni de petto,
14Per schivar tanti gran seccacogioni.
