VECCHIAJA.
SONETTO
Sù i sessanta una bona Cameretta
Calda d'Inverno, e fresca, co xe Istà,
Una bona poltrona, un bon soffà,
4Un bon cuogo, se nò bona cuoghetta.
Magnar spesso con qualche ragazzetta,
De quelle, che de tutto un poco fà,
Che canta, balla, ascolta quà, e pò là,
8E se lassa tirar sù la carpetta.
Schivar quanto se puol la zente sciocca,
D'amici star in bona compagnia,
11E sentir a contar di chi và in cocca.
Co s'hà fatto sta vita benedìa,
E i so boni nonanta pò se tocca,
14In poltrona morir d'apoplesìa.
