INVESTIGABILES VIAS EJUS.
SONETTO
Quanto i Decreti vostri imperscrutabili,
Signor, xe mai! E chi sarìa l'ardito
De capir per un pomo quel prurito
4De farne eternamente miserabili!
Quanto le vostre strade investigabili,
Signor, xe mai! E chi averave dito,
Che servir ve volessi d'un delito
8Per redimer dei cuori ingrati, e labili!
E deventar el fìo d'un Marangon,
E d'una, che fà fioli, e resta puta,
11E morir impicà, come un baron;
E dir de farlo per la terra tuta,
E pò, che no lo sappia, che un canton,
14Oh Signor gavè pur la testa acuta!
