LA MONA È 'L SIMBOLO DELL'AUTOR.
SONETTO
Osservo, che sti Santi vien depenti
Del so martirio col strumento in man,
Colle frezze i depenze San Bastian,
4E tutti i mette in vista i so tormenti.
Santa Polonia, che xe sora i denti
Gà la tenaggia, e gà pò Sant’Alban
La testa, che quel Rè, che gera Arian;
8Gà fatto batter zò tra' mille stenti.
Sant’Andrea gà la crose, e la graella
Gà San Lorenzo, dove i l’hà puzà
11Per arrostirlo, come una sardella.
Mi, se un pittor depenzer me vorrà,
Come, che gò patio tanto per ella,
14Co in man la Mona el me depenzerà.
