LA NATURA È MARE D'OGNI BENE.
SONETTO
Spiritual, oppur corporeo sìa
Tende l'Amor all'immortalità,
Quelle del Corpo col sborar, che'l fà,
4L'altro coi frutti della fantasìa.
Con tutti sti do Amori in compagnìa,
Che per natura gà stà proprietà,
Mi tendo sempre a far prosperità,
8O con el Cazzo, o con la mia poesìa.
Da questo digo, che l'idea del bon
No vien dai Santi, nè l'idea del bello,
11Come hà scritto el filosofo Platon;
Perchè de quel, ch'ha fato 'l mio cervello
14No m'è stà dà gnessuna cognizion,
Nè gà studià per fotter el mio Osello.
