PER GRAZIA AVUTA DAL DIO PRIAPPO.
SONETTO
Ve dago parte, amigo, in t'un sonetto,
Come, ch'hò pregà tanto 'l Dio Priapo,
Che'l Cazzo, che me stava sempre fiapo,
4El me lo fazza un poco vegnir dretto.
Fenìa la mia orazion, sentì 'l casetto,
Vago da una, e 'l Culo in man ghe chiapo
Le cottole d'attorno mi ghe strapo,
8E la destiro subito sul letto.
Per miracolo el Cazzo m'hà tirà,
E ghe l'hò messo in Mona de Culìa
11Senza considerar l'eternità.
V'assicuro, ch'hò buo tant'allegrìa,
Che mi no l'averìa cavà de là,
14Se m'avesse dà 'l Papa un'Abazìa.
