RISOLUZION E DESIDERIO DELL'AUTORE.
SONETTO
No ghe voi più pensar, sto pò de resto
Me la voi goder quanto mai, che posso,
Avanti, che me vegna l'acqua addosso
4Voi far un pò de tutto presto presto.
Siben, che no me sento troppo in sesto,
Che, posso dir, son nome pelle, e osso,
Co vedo qualche Culo tondo, e grosso,
8Per una volta ancora mi son lesto.
Perchè hò sempre paura, che la sìa
L'ultima volta, no son mai contento,
11Vorrave, ch'ogni Donna fusse mìa;
Vorrave tutti i gusti in quel momento;
La vorrìa in pìe, destesa, nua, e vestìa,
14In tutti i busi ghe vorrìa esser drento.
