PER GUARIR DAL MAL D'AMORE.
SONETTO
Un certo Ipocondrìaco innamorà,
Che a sto paese a tutti xe famoso,
E per l'amor, che 'l fà d'ognun zeloso,
4E per el mal, ch'in testa 'l s'hà ideà;
Un Miedego alla fin el s'hà trovà,
Attento, diligente, e virtuoso,
Che del so Ipocondrìaco umor flatoso
8L'hà finalmente adesso liberà.
Se un remedio lù vuol per superar
Anca quel mal d'amor, che 'l fà languir
11Do cose, e no ghe altro, l'hà da far.
I scrupoli bisogna abbandonar,
E in vece, che col Miedego dormir,
14Dormir con chi l'hà fatto innamorar.
