AD UN PITTOR.
SONETTO
Senti, Pittor, depenzime 'na Dona
Senza camisa, come Dio l'hà fata,
Coi cavei biondi, e colla coa desfata,
4E co un fioreto in testa alla barona;
Che la gabbia un visetto da Madona,
Colla so tetta bianca, e delicata,
Che se ghe veda un tocco de culata,
8E quanto più se puol anca la Mona.
Famme, te prego, una cossetta amena,
A un bianco velo che la staga sora,
11E che se veda, che la se la mena;
Che la la sporza tutta quanta in fora,
E dalla fazza de dolcezza piena
14Tutti quanti capissa, che la sbora.
