AL MEDESIMO.
SONETTO
Ti m'hà servìo con tanta pulizìa,
El mio caro Pittor, che son disposto,
Ti me ne fazzi un altro a tutto costo
4Per fornir la mia bella Gallerìa.
Un Quadro de sta sorte mi vorrìa,
Dove ghe fusse un Frate grosso, e tosto,
Ch'in t'un canton d'un orto de nascosto
8Ghe 'l mettesse a 'na Donna da drìo vìa.
In t'un altro canton de st'ortesello,
Che ghe fusse una Munega ben fatta,
11Che ghe menasse all'Ortolan l'Osello;
In mezzo per cavar pò la risatta,
E per dar più rissalto al to pennello,
14Una conversa pò, che se la gratta.
