PARALELLO TRÀ CATON, E L'AUTORE.
SONETTO
Caton, che xe stà un omo in pase, e in guera,
D'aver fatto tre cose el s'ha lagnà;
La prima per el Mar d'esser andà,
4Quando, che lù podeva andar per tera.
La seconda, ch'una zornada intiera,
Senza gnente imparar ghe sia passà;
E la terza, a una Donna aver contà
8Una materia, che secreta giera.
Anca mi de tre cose me lamento,
Che menar m'abbia fatto la Capella,
11Quando, che lo podeva metter drento;
Che sia stà un dì senza sborar, ma quella,
Che più de tutte assae me dà tormento,
14Xe de no averla mai chiavada ella.
