GHE VUOL 'NA DONNA GRAVIA, CO PIÙ NO TIRA 'L CAZZO.
SONETTO
Chi dise, che bisogna doperar,
Co'l Cazzo più no tira, el so Coppetto,
Chi un manego de legno, e chi un sorzetto,
4E cussì la natura sollevar.
Per quei, che drento ancora voggia andar
Siben, che'l Cazzo no ghe stà più dretto,
Mi voggio suggerirghe un mio segretto,
8Che più naturalissimo me par;
E xe de procurarse sto solazzo
Con una Donna gravia, giusto in quello,
11Che la xe per buttar fuora un ragazzo;
Perchè se puol sperar, che quel puttello
El metta fuora in quel momento un brazzo,
14E che 'l ve tira drento pò l'Osello.
