Pagina:Rime in dialetto veneto di Polifemo Acca.djvu/102

Sta pagina la xe stà trascrita, ma la gà ancora da vegner rileta.
IN PIAZZA S. MARCO


     Siorsì.... la piazza è bela... po mincioni!
Solo, bisognarave sbarazzar
Sto ciapo de colombi sporcacioni
Che se vede a ogni passo bagolar.
     Sta Vecia Carobera1 dei mii noni,
La vorave de pianta reformar,
E a la barba de certi paruconi,
Da un cao a l’altro tuta sbianchizar.
     Adatando a la sagoma2 i colori,
Passaria la Basilica per nova,
E più bon pararave anca el relogio,
     Metèghe un par de braghe a quei do mori,3
E dapertuto dove le se trova
Gratè le statue e deghe suso l'ogio!4

  1. Le Vecchie Procuratie.
  2. Forma.
  3. Vedi la chiesa di S. Pietro a Roma.
  4. Vedi l'edifizio della Borsa a Trieste.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/102&oldid=71289"