Pagina:Rime in dialetto veneto di Polifemo Acca.djvu/103

Sta pagina la xe stà trascrita, ma la gà ancora da vegner rileta.
AL PALAZZO DUCAL


     Chi diavolo avarà d’esaminar
Tuti sti dosi, sti guerieri e santi?
Cossa voleu che possa interessar
Ste buzare a nualtri negozianti?
     Se podarave tor, come fa tanti,
Un ciceron che sapia sbatolar:
Lu ne la conta, e nu passemo avanti
Insina che vien l’ora de disnar.
     Ne mòstrelo el famoso mapamondo?...1
No merita fermarse a strolegar:
Me basta vèder se l'è quadro o tondo,
     Semo a le quatro Porte?2 Ca de dia!
Mi che no voi lassarme infenociar
Vardo se le xe quatro e tiro via.

  1. Di Fra Mauro.
  2. La sala dalle Quattro Porte, con dipinti di Tiziano, del Caliari, ecc.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/103&oldid=71290"