EL NOSTRO ELEMENTO
Come güar1 l'inzegno in sta cità?
Fra le bale de canevo e coton,
Fra le doghe, el petrolgio e fra 'l carbon,
La passolina,2 i fighi e 'l bacalà?
Quando vedemo Socrate e Platon
Tegnir la Prima Nota in un mezà?3
Colombo in aria d’armador spiantà
E giudice dei scarti Salomon?
Quando vedemo in Borsa Galileo
Sul moto specular de le valute,
E sul corso dei cambi Tolomeo?
Diogene fra i barili de le aciughe,
Pitagora mercante de Calcute,4
E Ciceron senser de tartarughe?
