Pagina:Rime in dialetto veneto di Polifemo Acca.djvu/27

Sta pagina la xe stà trascrita, ma la gà ancora da vegner rileta.
LE SQUINZIE1


     Tolè, pitor, la taolozza in man:
Tireme zo co quatro penelae
Sta manega de squinzie spetorae
Che sbazzega in teatro e fa bacan.
     Nel so palcheto vedarè una siora
Dal naso a beco e dal barbuzzo in fora;
Tuta smorfie e morbin, tuta scoverta,
Più de la Pompadour e la Ninon
De l’alta scola nei secreti esperta.
     Missiandose qua e là tuta la sera
Piena de grili come una puliera,2
No la se volta mai verso la scena
Che per mostrarghe al publico la schena.
Col tiro più academico e più scaltro
La ve sparisse da un momento a l’altro,
E la ve torna fora a poco a poco
Come la luna in tempo de siroco.

  1. Donne affettatamente attillate.
  2. Puledra.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/27&oldid=71058"