I FALOPONI
Basta che tolè in man una gazeta
Republicana o cierical che sia,
Per veder come in qualche specieria
Se vende a peso d’oro l'aqua schieta.
Qua xe un decoto, là una piroleta
Per le moroide o per la nevralgia:
De siropi gavè una litania
Che a Venere ghe manda una saeta.
Pastroci de potassa e de carbon,
E l'elisir d'un mago american
Che ve straponze i busi del polmon.
E un flagelo d'empiriche resie
Predicae da Mercurio zarlatan
Che roste1 'l mondo a forza de busie.2
