Passera solitaria in ti cogoli,
Non è come son mi si pì spaurosa;
Ni donna in casa, cusi lagremosa,
Quando se schita sotto i so fioli.
Donzella no fo mai sotto i lenzuoli,
Si timida, si grama, è vergognosa;
Ni tencha, ni goata cusi ombrosa,
Vardando de Cupido i so stracoli.
La volontae, el pensier, è l'apetito,
Si fa combustion in le braghesse,
E si ho paura de no far sofrito.
Venere dise frar, el me rechresse,
Tal galde el mondo, che se fa remito,
Altri al confetto, e mi castagne lesse.
Biffi, che per far beffe, e baffe, e buffe,
Se piu valente, che sier Mallacise;
Co i vostri andari pieni de devise,
Accompagnae da morfe tutte muffe.
De rif, e raf; con vu perdè le ruffe,
Che volè vuove, che fazza pernise;
Perche havè adosso una certa raise,
Che v'aida da ceffi, zaffi, e zuffe.
Si che per ogni villa, e valle, a vella,
El vostro nome tira, tore, in terra,
Mostrando in frotta, in fretta, boni fruti.
Vu havè fra mille, la piu malla mella,
Che in do moti, fa colpi mati, e muti;
Tanto quel ferro fora, onde la ferra.
