Fagandoghe le fighe, alla Fortuna,
E quanto sopiar che puol i venti,
Ridando con la so puoca ricchezza,
Negociando cauto, e ben seguro,
Mo chi se tien da le Sorte feguro,
In casa, no cha dentro d'una nave,
Perche no ziova saver, o ricchezza,
Che no se sta pur un momento in pase,
Contrastando dì, e notte, con i venti,
Quando s'ha'l ciel nemigo, e la Fortuna.
Canzon no son feguro, in sta mia nave,
Ni la ricchezza, me fa star in pase,
Perch'ho contrario i venti, e la Fortuna.
Quante volte rasono mi soletto,
A che muodo Cupido m'ha truffao,
E de homo racional, con bon inzegno,
Son propio un putin, senza prudentia,
E za ottocento dì, von suspirando,
La mia sorte cattiva, e i tristi zorni.
No credo mai a viver tanti zorni,
Che possa stiar in pase, mi soletto,
Anzi pien de dolor, e suspirando,
Crio con Amor, che m'ha cusi truffao,
Benche son certo si havesse prudentia,
E sarave tegnuo, per hom'd'inzegno.
Deh quando meteroio a man l'inzegno,
