soldi nualtri no li tochemo mai, che gavemo paura solo a vardarli!
Giacomo (sempre allibito)
Se proprio fusse vero... Per zogar!...
Orsolina
Apunto... vedistu, ti devi meterlo a le strete... adesso ch'el xe pien de bezzi, portargheli via tuti, e questa sarà la più bela punizion!
Giacomo
(fuori di sè, come uno che gli vien male)
Zorno e note... lavorar... strussiarme senza mai un'ora de ben... e lu... imbriagarse... zogar... (con orrore) e anca... anca...
Orsolina
La so bela punizion; la so bela punizion, la ghe vol!
Giacomo (alzandosi risoluto)
Dove xelo?...
Orsolina (guardandolo inquieta)
Digo... giudizio!
Giacomo
Ti prometime solamente de no criar... de lassarme parlar a mi!
