SCENA IX.
Salvatore e Detti. Salvatore ha un pacchetto di cinque sigari Virginia posto tra i bottoni della giubba.
Salvatore
Mille bongiorni ossignoria!
Orsolina (a Salvatore: amabilissima)
El me trova in disabilié! (a Carolina piano, rabbiosamente) Portè le careghe! l'azion che gavè fato no la ve dispensa, per adesso, de servirme! (a Salvatore c. s.) Prego el s'accomodi signor Salvatore!
Salvatore
Ve tenete sempre contenta de 'a vostra Carolì?
Orsolina (con ironico furore, represso)
Oh, contentissima! Fina mai! E per l'apunto mi ghe domando compermesso e lo lasso qua in compagnia con mio marìo e co le mie putele e vago a finir la mia toilette (a denti stretti) co la Carolì (amabile) e a darghe tuti i miei ordini e le disposizioni occorrenti per la casa.
