Doralice
El va via! Dio! (tra sè come fulminata) xe el Signor ch'el me castiga...
Aida
El va via per sempre? Oh, bela! I lo ga cambià de guarnigion?
Giacomo
No ti ga da studiar? No ti ga le to lezion stamatina?
Aida
No; gieri go finìo tuto!
Giacomo (imitando Orsolina)
La vaga in camara subito! Sul momento! Che de studiar, no se ga mai finìo!
Aida (andandosene, di mala voglia)
Ciò! No ti xe miga la mama per poderme strapazar! (v. v.)
Giacomo (al De Nobile; serio)
El scusa, signor De Nobile; forse lu xe vegnudo... perchè l'intende, prima di partir come el dixe... de parlar anca con mi!
Salvatore
Si sapisseve tutto chello ch'aggio penzato!
