bona... ma no la xe bona de taser... Gavemo tuti i nostri difeti. No la deve saver gnente; perchè no deve saver gnente nissun, mai... se trata dela nostra riputazion.
Doralice
E la Carolina? Vostu che ghe lassa la colpa a la Carolina?
Giacomo
Ghe dirò mi, a la mama... ghe dirò che son sta mi!
Doralice
Ti papà?! Vusto acusarte ti per mi!... Dio mio che bon che ti xe! No! No! No! Mi no lo permetarò mai... No lo permetarò mai... (si getta nelle sue braccia, piangendo).
Giacomo
Dovaria criar... dovaria tanto criar... Invece... el papà pantalon... el pianze anca lu con ti!...
Doralice
Ma no ti devi incolparte ti, de la mia colpa!
Giacomo
Mi, intanto, no me devo acusar de nissuna colpa... Go tolto i vinti franchi perchè... (guardando con timore verso la porta della
