Aida
El Sergente ghe n'ha portà un paco.
Doralice
(strappandole di mano la cravatta)
Dame quà!
Aida (come sopra a Doralice)
Se toca a mi, farò mi!
Temistocle
Pian co' la mia roba! (a Orsolina) Ma sta serva che doveva vegnir prima da le oto?
Orsolina
Ti podaressi dir «cameriera» che serva se ghe dixe a quela dei plebei! «Sicuro xe deboto le 9, e scominseria squasi a esser inquieta!»
Aida
Tute le serve quando le sente el nome de casa nostra, invece de corer, le scampa!
Orsolina
Quela mostra de la Clotilde, la m'ha strigà la casa. (A Temistocle) Ti ancuo, no ti ga l'uficio?
Temistocle
No; ma no go tempo de condurve a la rivista.
