Orsolina (alle ragazze)
E adesso feme scaldar un pochetto d'acqua, che almanco per el Statuto, go dirito de lavarme anca mi, in piena regola. ( a Temistocle che cerca nella credenza) Ciò, cossa cerchistu?
Temistocle
Cerco un toco de pan!...
Orsolina
El magnar a le so ore! (batte sulle spalle di Giacomo che continua a scrivere) Digo mi, xe deboto le 9 1/2 e no se vede la cameriera, e l'Apolonia ga volesto la capara!
Giacomo (sempre scrivendo in fretta)
Le vegnirà più tardi!
Orsolina
El se la tol comoda, lu, perchè el trova sempre la papa fata! (gridando) L'acqua calda putele! (Va a Temistocle e lo butta lontano dalla credenza, chiudendola colla chiave che metterà in tasca) T'ho dito che se magna soltanto a le so ore!
Temistocle (si avvicina a Giacomo rosicchiando un tozzo di pane)
Papà, gastu un per de franchi?
