Rosa
Al momento de... distacarmela, me manca el cuor...
Apollonia
(forte, arrabbiandosi contro la Rosa)
Me piase dir la verità... vu la gavè imbrogiada.
Rosa
Ma no, siora...
Carolina
No... no!... Soltanto la mamma Rosa all'ultimo momento non ha più cuore di abbandonarmi...
Orsolina
«Oh Dio! la parla toscano» (forte) Cuor... sempre el cuor! Ma anca mi go el cuor e per questo go da restar senza la cameriera? E me ocore proprio una che parla toscano, perchè no vogio che la mia Aida la se corompa col dialeto!
Aida (a Doralice)
No ti la senti, ciò? (questa alza le spalle, sempre intenta a guardar dalla finestra).
Doralice (sospirando)
Nol vien!... nol vien più!...
