ma bisogna aspetar prima che el sia andà fora de casa, perchè una tosa de proposito no la ga da entrar in camara de un zovanoto, el podaria esser, metemo el caso, anca mezo despogio. Mi son una dona prudente e me piase che una tosa gabia el so pudor. Oh, Dio! senza esagerazion, perchè quando se esagera el diventa un stomeghezzo... ma el so tanto necessario el ghe vol, el xe el fondamento de tuto! Vien con mi, cara, vien co' mi! (Via con Carolina).
