SCENA XII.
Carolina e Detti.
Carolina (assai timida)
Eccomi signora... padrona!
Orsolina
Brava! (con gran dolcezza) Quando te ciamo mi, ti devi piantar là tuto quanto, perchè la to unica parona in sta casa, ricorditelo ben! son mi! (la prende per mano e la conduce davanti a Salvatore) El la guarda attentamente e pò el me diga se no ghe par che la gabia una somiglianza co qualchidun!
Salvatore
Nun m'arricordo!
Orsolina (a Carolina)
Sto signor el xe la prima corneta del diciasettesimo, e se ti ti continuerà a esser sempre attenta e rispetosa, te menarò una domenega a sentirlo sonar in Piazza Vittorio Emanuele! (A Salvatore) Dunque a chi ghe par che la ghe somegia?
