SCENA XIV.
Aida e Detti, poi Doralice e Carolina coll'ombrello.
Orsolina
Oh, finalmente!
Aida
Mi son pronta! La xe la Doralice che se fà aspetar.
Orsolina (aggiustandola)
E me raccomando, se piove, va drio al muro che de abiti novi per tuto el 90-91-92 no ghe ne fasso altri. (entra Doralice) Oh, ecco qua anca la siora Sinforosa! (piano a Doralice) Cossa gastu? I oci rossi? (fra sè mentre prende l'ombrello da Carolina che entra) Uhm!... El mio Giacomo el ga bon naso! Eh, adesso adesso ghe parlerò ciaro mi a sto sior! (forte alle ragazze) Vualtre do, andè avanti! E lu, signor De Nobile, el me darà brazzo! Da brave! E ti, Aida, fa veder a la zente che ti
