Temistocle
Pian co quela scarpa! Vusto che te giuta? Adesso che ti t'ha messo a far el patinista?
Giacomo (buttando sul tavolo con sdegno, spazzola e scarpa, a mezza voce, ma drammaticissimo)
Sì, anca el patinista fasso... come fasso el copista, el servitor, el fachin, el lavapiati! fasso de tuto per vualtri! Ma la bruta azion che ti ga fato ti, quela mi no, no la go mai fata, nè da putelo, nè da zovene, nè da vecio!... Mai!... in tuta la mia vita!
Temistocle (sorridendo prende dal portafogli tre biglietti da dieci lire)
Ecco qua... il corpo del delitto! Go volesto scherzar...
Giacomo
(strappandogli di mano il denaro)
Ti ga zogà... zogador!... T'ho visto mi... coi mii oci, al torcolo, gieri de sera! Son vegnudo fin sula porta dell'osteria: t'ho visto co le carte in man... in mezo a tuti i altri! Chi urlava, chi bestemiava! Tuti imbriaghi! E go avudo paura!... sì... paura de ti! e no me son rischià a ciamarte! Go avudo paura che ti me ri-
