dessi in tel muso, come ti ga fato adesso... che ti me mancassi de rispeto in presenza de quele canaie: e son scampà via; ma cola vergogna nel cuor, de esser to pare!... Vergognite! Vergognite!
Aida (che è venuta sulla porta a spiare)
Mama! xe tornà Temistocle!
Orsolina (d. d.)
Oh, fiol d'un can! Aspeta che vegno!
Giacomo (in fretta, tornando a patinare le scarpe e diventando umile e pauroso alla voce di Orsolina)
Domandighe subito scusa! Ghe dirò anca mi che no xe vero gnente!... che ti gà scherzà!
Temistocle (sempre c. s. contando il denaro che aveva nel taschino del gilet)
Diciassette e settantacinque, e se no ghe dava la pase al Sbessola, i saria ventinove franchi.
