RITRATO DEL'AUTOR
I.
Cavegiara, che par de furie un bosco;
Go un profilo, che buta al mussulman;
Do bele cegie, che vien zò pian pian;
4Ochio svelto, ceruleo e un poco losco.
De tinta per lo più palido e fosco;
Naso da zentilomo venezian;
Magnaora badial; denti da can;
8Amante dela Bira e del Refosco.
Fisonomia da prete de campagna;
Testa, che in mezo ai guai tropo riflete;
11Lingua, che de sti guai tropo se lagna.
D'età ò sonadi i quatro volte sete;
Caporchestra son mi dove se magna,
14E son l'autore de ste barzelete.
