EL BELO E EL BON
PER NOZZE
a rime obligate1
IX.
Oh quanto ch'el xe dolce el miel d'amore!
La xe una gran delizia la beltà!
Ma quando la xe unita co un bel cuore
4L'è come un sol, che paragon no ga
Ah! sì, che la belezza xe un splendore
Lusente propio com'el sol d'istà;
Ma la virtù, ma la bontà, el candore
8Più grata ancora deventar la fa.2
Cussì dise Virgilio, e sto riflesso
Mi aprovo, sì, ma non però ritegno,
11Ch'el belo e el bon se dia tropo de spesso.
Sposi! vu soli sè felici a segno,
Che de beltà e virtù nel tempo stesso
14Dè un esempio el più nobile e 'l più degno.
