DI ANTONIO LAMBERTI
——
La Necessità
No xe l’età freschissima,
No xe contento el cuor,
So che l'amor xe un perfido;
Nè so scampar da amor.
So che un'amante fervida
Spesso la donna xe;
So co l’amè sul serio
O pur se no l'amè;
Ma so che la xe insipida
Senza impizzarse el cuor;
E benchè amor sia un perfido
No so scampar da amor.
So che a so mare Venere,
Sporzendoghe la man,
Sparagno affani e spasemi,
Scampo dal dio tiran.
