Pagina:Scherzi poetici di vari celebri autori italiani e veneziani.djvu/131

Sta pagina la xe stà trascrita, ma la gà ancora da vegner rileta.


     Amante del goto
Xe sta Anacreonte,
E a tutti xe noto
Che rose a la fronte
Za fato vechion
Amor gh'à dà in don.

     Noè s'imbriagava
E Lot anca lu;
Chi torto ghe dà
No sa la virtù
Che ga sto liquor,
Sto gran sedutor.

     L'è un ben, l'è un tesoro
Per omeni e puti,
De i vechi ristoro,
Un balsamo a tuti,
L'è un vero cordial
Che vince ogni mal.

     E un bravo piovan
No l'è del mestier;
Nol sa el so dover
Se un bon caratelo
De vin che sia quelo
Nol tien sempre a man.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Scherzi_poetici_di_vari_celebri_autori_italiani_e_veneziani.djvu/131&oldid=67265"