antichità di Atene, sussistenti dopo la presa fattane dai Veneziani l'anno 1687, sono ricordate come segue:
In questa, un rico Tempio edificao
Fu a l'incognito Dio, del qual ancora
Una Iscrizion se vede, e ancor s'onora
Sto edifizio de marmoro formao.
Sora molte Colone un bel Palazzo
Se osserva antigo, e su la porta delo
Se leze, che albergava Teseo in quelo:
Memorie da no meter miga a mazzo.
Da Prassitele fati ed intagiai
Su la porta mazor de quel pur anca
Do Cavali se mira, nè ghe manca
Che'l moto a farli vivi. Oh i xe stimai!
L'Areopago, che tanto è stà famoso
Liogo de leterati e de studenti,
Ancora è in pie e sevede, e in quatro acenti
Un moto sora el tien ch'à del curioso:
Dio ve daga el bon viazo a vu che qua
Passè. Dise cussì quela iscrizion;
E in greco idioma altro no gh'è de bon
De quel Studio sì bel che giera là.
Altre infinite antichità se trova;
V'è de Licurgo in queste l'Arsenal,
De Demostene ancora el bel feral
Ch'a far lume però gnente no zova.
Ghè la Tore dei Venti, che in figura
Otogona se vede fabricada,
Andronico Cireste Cha formada,
Un omo de bonissima natura.
Anca el Tempio de Teseo snombolao
