Pagina:Serie degli scritti impressi in dialetto veneziano.djvu/249

     Sofrirè mile tormenti
     8Per chi prima à fato el mal.
Roma bona e religiòsa
     Giera imensa, e forsi ancora;
     Ma sprezzando Quei de sora
     12La xè andada a tombolon;
E ben tì, povera Itàlia,
     Co i roversi che ti à bùo,
     Ti sà ben, se mì in ancùo,
     16Quanto digo vero xè.
Quando senza i sacri augùri
     S'à volesto far la guèra,
     Semo andai col cul per tera,
     20E s'à perso el nostro onor;
E da Pàcoro le trupe,¹
     E de Mènese i soldai
     N'à redoto spupilài
     24In t'un modo da ingramir;
Fando grosse a le so' dòne
     Le colàne e i fornimenti
     Col nostr'oro, e co' i arzenti
     28Che, pur tropo! no gh'è più.
E quei Daci e quei Etiòpi
     (Bravi in mar e a trar saète)
     N'à tirà tanto a le strète,
     32Che a pensarghe me vien mal;
Coltivando el bel momento
     (Per nu altri vergognoso,
     Anzi orèndo e sanguenoso)
     36De le nostre rebelion;
Oh che secoli nefandi!

1. Pàcoro, e Menese giera dò Generali in capo, che comandava i eserciti de i Parti.