SONETI
IN
DIALETO VENEZIAN
Amor! coss'è sta roba, cossa xelo
Sto amor, che tanto sento a menzonar?
Responde qualchedun: L'è un dio del cielo,
4L'è un fogo dolce, de piaseri un mar.
Ah! nò, fradeli cari, el xè un putelo
Che se gode de farse cocolar,
Malizioso, insolente, baronzelo;
8E grami queli che lo lassa far!
L'è un caldo, ma el xè quelo de la freve;
L'è qualche volta un gusto, ma lisier,
11Che no dura, e se desfa come neve.
L'è un insonio, un caprizio, el xè un pensier;
L'è quel liquor che, quando ch'el se beve,
14El ve imbriaga, e el ve fa tior muger.
