ROSSA E BIANCA
A NINETA
Co te vedo passar soto i balconi
Tuta rossa nel viso e scalmanada,
Nineta mia, per quei do bei ocioni,
4Me butarave zoso ne la strada.
Quel rosso che te imporpora la çiera,
Quel rosso cussì vivido incarnà,
Te fa parer un fior de primavera,
8Un bocolo de riosa profumà.
Soto i balconi co passar te vedo
Col viso bianco, un poco palideta,
Nel cor me sento un brivido de fredo,
12E un brivido... d'amor par ti, Nineta!
Un anzolo ti par del paradiso
Col bianco te incorniza quei to ocioni...
Rossa o bianca... voria basarte in viso
16Co te vedo passar soto i balconi...
