A L'ESPOSIZION DE VENEZIA
(Ano 1899).
ABBRUTIMENTO.
Coi oci lustri, mezo spiritai,
coi brassi e co la testa abandonada,
coi cavei zozo, tuti spetenai,
4ti sta, falsa lusinga, stravacada.
Viçin de ti, coi oci indormensai,
le gambe mole e rota la velada,
gh'è un zovene, coi fianchi çircondai
8dai brassi d'una dona imbriagada:
Altri do' stampi... e el quadro xe finìo!
ma ve zuro dasseno che confuso
11so' resta là davanti e imatonio;
E a quei tipi infiacai che tuto insulta
gavarìa roto volentiera el muso,
14se no pensava... che ghe xe la multa!!!
